Asociación de empresas GAlegas de SOftware Libre
Roberto Brenlla, xerente de Tegnix, representará a Agasol no “I Fórum Software Libre de Angola” que se celebrará en Luanda, capital do país africano, entre o 25 de xuño e o 1 de xullo. No evento participarán relatores chegados desde Brasil e Portugal e servirá para que Agasol expoña as súas experiencias no desenvolvemento e difusión de programas de código aberto e profundizar nos lazos con comunidades de software libre lusófonas.
A Asociación de Empresas de Software Libre de Andalucía “Anda Libre” ven de constituirse co pulo de 21 empresas do sector. Segundo especifican os seus estatutos, AndaLibre nace cos obxectivos de promocionar, defender e divulgar de forma xeral o uso prioritario de “a máis rompedora tecnoloxía do século XXI en informática, o Software Libre, especialmente no ámbito das empresas e entidades públicas e privadas radicadas en Andalucía”.
Wireless Galicia, Ilumax Software e Redegal participarán nunha das cinco áreas de discusión a partir das que se configura a xornada “2.0 A Nova Ágora Galega”, que organizada polas tres universidades galegas e Consellería de Innovación e Industria terá lugar na Escola de Informática de Ourense o próximo mércores día 14 de maio. A asistencia é gratuita, pero é preciso inscribirse previamente na web da xornada posto que o aforo é limitado. A data límite para facelo é o vindeiro luns, 12 de maio, ás 14 horas.
Nesta xornada falarase sobre o estado actual da web social e das posibilidades que estas tecnoloxías están a abrir en ámbitos tan diversos como o desenvolvemento de aplicacións de software libre, a educación, os negocios, ou a literatura.
O programa da xornada é o seguinte:
O vindeiro 15 de Maio, Santiago de Compostela acollerá no Pazo de Congresos a celebración do III Día Galego do Emprendedor. Na nosa comunidade Igape e BIC Galicia impulsan este evento co obxectivo de promover e alimentar o espírito emprendedor e nesta edición afóndase no modelo de negocio do software libre, cun itinerario de ponencias no que distintas empresas explicarán como basean os seus negocios nesta tecnoloxía e que foi diseñado por Agasol a través de Igalia, unha das suas empresas asociadas.
O programa é o seguinte:
O software libre estará presente no III Día do Emprendedor o día 15 de maio no Pazo de Congresos de Santiago. O Igape, impulsor da xornada, dirixiuse a Agasol para que desde a Asociación de Empresas Galegas de Software Libre se traballara no deseño dunha oferta de actividades para ese día. Trátase de dar contido a un máximo de catro horas orientadas a un público xoven ao que se lle ofercerán exemplos e experiencias emprendedoras arredor do software libre. Tamén haberá espazo para as novas fórmulas de organización abertas e en rede ou a búsqueda de finaciamento para unha empresa baseada no software libre.
A Asociación de Empresas Galegas de Software Libre (Agasol) xestionará xunto a Dirección Xeral de Promoción Industrial e da Sociedade da Información da Consellería de Innovación e Industria un proxecto piloto para formar traballadores de empresas de software galegas que desexen especializarse na ferramenta Typo3, aplicación libre que permite crear contidos para páxinas web dun xeito sinxelo e que pode modificarse en función das necesidades precisas de cada proxecto que se acometa.
Typo3 é unha ferramenta de xestión de contidos moi completa, que permite realizar sitios web con estrutura multinivel, motor de búsquedas, xestión de autoría, mecanismo de xestión de plantillas para maquetación, persoalización de páxinas según a identidade do usuario. É unha ferramenta enteiramente extensible por módulos tanto de xestión no interface de administración – xestión básica MySQL e xestión de servidor LDAP – ou módulos orientados a usuarios incluídos no sitio: enquisas, foros, calendario, novas, búsquedas, … o elevado número de módulos existentes fai desta ferramenta unha das máis importantes na súa categoría. Typo3 está implantado en máis de 120.000 servidores por todo o mundo. Esta traducido en 43 linguas, incluída o galego, e está en constante desenvolvemento por unha comunidade de máis de 20.000 profesionais liderados por Kasper Skårhøj.
A Consellería de Innovación e Industria elixiu esta plataforma para os seus proxectos web e ven de contactar a través de Agasol cunha serie de empresas galegas que xa tiñan experiencia no emprego de Typo3 para ofrecerlles a posibilidade de participar nesta experiencia formativa que terá lugar do 10 ao 18 de marzo coa impartición de sendos cursos especializados de trinta horas en Santiago de Compostela e Vigo.
Tanto Agasol como a Dirección Xeral de Promoción Industrial e da Sociedade da Información teñen a previsión de darlle continuidade á formación de profesionais especializados en Typo3 a partir das experiencias que se susciten neste proxecto piloto.
O xornal de información económica Expansión publica hoxe unha entrevista con Javi Vázquez, en calidade de presidente da Asociación de Empresas Galegas de Software Libre. Nela repasase o perfil das empresas que compoñen a asociación e incídese no interese por consolidar grupos de traballo que axuden a que Agasol teña proxección a partir de colaboracións tanxibles.
Sixtema é a décimo séptima empresa que se integra na Asociación de Empresas Galegas de Software Libre. Trátase dunha compañía radicada en Santiago que dirixe as súas principais liñas de actividade ao asesoramento e desenvolvemento de novas ferramentas en informática e Sistemas de Información Xeográfica nos que integra, ademais, a súa capacidade para realizar simulacións e representacións en 3D de alta calidade. Sixtema está especializada ademais na realización de mapas de ruídos, teledetección, cursos de formación no uso de ferramentas XIS e aplicacións a medida.
Agasol axudará a darlle un pulo á nova federación nacional de empresas de software libre, da que anunciouse a súa creación no marco do X Congreso Anual de Hispalinux que vense de clausurar no serán de hoxe en Cáceres. O Centro Nacional de Referencia de Aplicación das TIC baseadas en fontes abertas (CENATIC) mostrou o seu apoio a esta iniciativa e en xeral á comunidade de desenvolvedores e usuarios de software libre.
A directora xerente do CENATIC, Carolina Grau, anunciou que esta institución impulsará a creación dunha federación nacional de empresas de software libre, dentro da súa política de fomento de redes de cooperación e como un dos proxectos estratéxicos para o desenvolvemento do sector empresarial de software de fontes abertas. Na presentación desta federación Carolina Grau estivo acompañada por algúns dos protagonistas desta iniciativa, concretamente por Daniel Armendáriz, presidente de Esle, e Gonzalo Aller, presidente de Eslic, que explicaron que o principal obxectivo deste iniciativa é crear unha entidade que permita defender e promocionar os intereses das organizacións empresariais de software de fontes abertas no mercado das tecnoloxías e os servizos conexos “mediante a xeración e/ou apoio de proxectos conxuntos ou individuais, ou a organización de iniciativas de explotación do modelo de negocio do software libre para lograr a xeración de riqueza de forma responsable, asumindo desde o primeiro momento que as posibilidades de negocio das empresas deste sector xurdiron grazas ao traballo desinteresado e altruísta de toda unha Comunidade de persoas a nivel nacional e internacional”.
A xénese desta federación, que ten fixada a súa data de constitución o próximo 29 de febreiro de 2008, remóntanse ao III Congreso de Software Libre celebrado en Badaxoz en febreiro deste ano, onde se reuniron as asociacións empresariais de software libre de Canarias, Cataluña e Euskadi. O seu obxectivo é chegar a contar con todas aquelas asociacións empresariais que teñan, dentro dos seus obxectivos ou na súa estratexia a difusión, a promoción do uso do software de fontes abertas. Segundo dixeron, ao fixar a data de constitución para dentro de dous meses preténdese “dar máis tempo á posible creación de asociacións empresariais, así como á adhesión á iniciativa de cantas asociacións empresariais do sector estean interesadas”.
O apoio que o CENATIC prestará para impulsar a posta en marcha da federación concrétase en apoio xurídico para a constitución e rexistro da entidade, o ofrecemento de atención telefónica e da sede do CENATIC (na localidade pacense de Almendralexo) como sede fiscal da federación e como sede física para sesións de traballo e reunións, á vez que o CENATIC ofrecerá ás empresas socias apoio para a presentación de proxectos en colaboración, e a posibilidade de integrarse nos diferentes grupos de traballo do seu Consello Asesor.
Grau recordou aos case 500 congresistas presentes en Cáceres que o Centro constituíuse o 20 de novembro de 2006 coa misión de dar un pulo o aproveitamento das tecnoloxías de fontes abertas para beneficio da sociedade desde ámbitos como o empresarial, o da investigación, ou o da administración electrónica, entre outros, así como tratar de propiciar o establecemento de estándares comúns no uso de tecnoloxías abertas.
No tocante á comunidade de desenvolvedores e usuarios, Grau recalcou que o CENATIC é o único proxecto estratéxico nacional de promoción do software de fontes abertas, e que é unha entidade aberta á participación e cuxos proxectos asentar sempre sobre a base da colaboración. Neste terreo, Grau sinalou como fundamental a colaboración e as contribucións dos desarrolladores, aos que sinalou tamén como “figuras de especial interese” para a súa participación no Consello Asesor de CENATIC, que se constituirá ao longo de 2008 e que se está a promover durante os últimos meses a través de múltiples encontros sectoriais cos principais axentes do software libre de toda España.
Nas últimas semáns e a partir do iniciativa das asociacións de empresas de software libre de Canarias, Cataluña e País Vasco, á que se engade Agasol, por crear unha federación de asociacións de empresas de software libre, dinamizouse o asociacionismo entre compañías de diversas comunidades. Así o próximo xoves día 13 terá lugar en Madrid unha primeira reunión que servirá como embrión dunha asociación nese ámbito xeográfico. Tamén en Aragón e Andalucía fixéronse os primeiros contactos para botar a andar sendos colectivos.
2008 - AGASOL | Feito en Wordpress
